【武漢肺炎】一罩難求點算好?!台灣醫生傳授慳口罩法 2款口罩一齊用有助延長時間
武漢肺炎疫情持續,唔少都為求買到口罩各出其謀,可以話係「一罩難求」~
而喺面對口罩供不應求嘅情況下,早前台灣兒童感染症醫學會理事長及台大小兒感染科醫生李秉穎就有一個可以節省口罩嘅方法教畀大家。
Photo from shutterstock
配搭兩款口罩同時使用,即可以延長口罩的使用時間,可以舒援醫用口罩不足的問題。
李秉穎醫生指棉質嘅口罩同活性碳口罩等非醫療口罩雖然過濾微粒嘅效果唔及外科口罩好,但都有一定嘅防護力。
所以如果大家喺戴外科口罩時同配戴棉質或活性碳口罩,就可減少外科口罩的使用頻率、延長外科口罩的使用時間。
Photo from shutterstock
配搭兩層口罩方法係外層使用外科醫用口罩,而內層則使用棉質或活性碳口罩。
依個做法可以利用內層嘅棉質口罩接觸自己嘅飛沫,而使用過嘅棉質口罩就要每日清洗更換。
至於,外層嘅外科醫用口罩即用作阻擋外來嘅病毒。
依個兩層口罩使用配搭方法,可以避免外科醫用口罩因而接觸到自己嘅飛沫,使其使用嘅時間可以延長。
Photo from shutterstock
之但係,李醫生亦提醒指,外層嘅外科醫用口罩重複使用時有2個注意事項:
1. 戴口罩時,不要經常觸摸口罩。
2. 除口罩時,應將口罩接觸外界空氣嘅表面摺喺入面,再收入密實袋,避免口罩接觸到自己嘅衣物及個人物品。
Photo from shutterstock
不過建議大家點都好,外層醫用口罩最好都係唔好用多過1日呀!
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)